Հավաքածուներ
ՀԱԳ-ի հավաքածուները 2012թ. հունվարի 1-ի դրությամբ կազմել են 6.814.878 միավոր գրականություն, աշխարհի ավելի քան 70 լեզուներով:
Գրադարանի հավաքածուներն են՝
- Հնատիպ, հազվագյուտ և արխիվային գրականության հավաքածու
- Արվեստի գրականության և ոչ գրքային հրատարակությունների հավաքածու
- Նոտային երաժշտական գրականության հավաքածու
- Եզակի հավաքածու
- Մամուլի հավաքածու
- Ատենախոսությունների և սեղմագրերի հավաքածու
- Այլալեզու գրականության հավաքածու
Գրադարանի հավաքածուների համալրումը կատարվում է բաժանորդագրություն, գնումների, պարտադիր օրինակի, գրքափոխանակության և նվիրատվությունների միջոցով:
Գրականության մեծ մասը` շուրջ 5,5 մլն միավոր, պահպանվում է գլխավոր գրապահոցում: Այն տեղակայված է գրադարանի երեք մասնաշենքերում (թամանյանական, միջանկյալ և բարձրահարկ): Գրապահոցում պահպանվում են գրքերը, պարբերական մամուլը, միկրոժապավենները, սեղմագրերը:
1993 թվականից գրադարանը ստանում և պահպանում է ՀՀ-ում պաշտպանած ատենախոսությունները:
Գրքափոխանակություն է կատարվում աշխարհի տարբեր երկրների խոշոր գրադարանների, կազմակերպությունների և անհատների հետ, ինչը հնարավորություն է տալիս հայ գիրքը դուրս բերել միջազգային ասպարեզ, ինչպես նաև ՀԱԳ-ի հավաքածուները հարստացնել արտասահմանում լույս տեսած հրատարակություններով:
Փոխանակության համար առաջարկվող գրականության ցուցակները տեղադրված են գրադարանի կայք էջում:
